Fond birjası

Fond birjası qiymətli kağızlarla və törəmə maliyyə alətləri ilə əqdlərin bağlanması üçün təşkil olunmuş ticarət meydançasıdır. Birja ticarətin qaydalarını müəyyən edir, iştirakçıların əqdlərini uzlaşdırır və qiymət məlumatlarını açıqlayır.

Funksiyaları

• Ticarətin təşkili və sifarişlərin uzlaşdırılması;
• Qiymətli kağızların ticarətə buraxılması (listinq);
• Qiymət və həcm məlumatlarının açıqlanması;
• Ticarət iştirakçılarının fəaliyyətinə nəzarət;
• Bağlanmış əqdlər barədə məlumatların hesablaşma sisteminə ötürülməsi.

MDM ilə əlaqə

Birjada bağlanmış əqdlər üzrə qiymətli kağızların köçürülməsi və hesablaşmalar Milli Depozit Mərkəzində icra olunur. Beləliklə birja və depozitar bir-birini tamamlayan iki ayrı həlqədir: biri əqdi bağlayır, digəri onu yerinə yetirir.

Azərbaycan Respublikasında fond birjası funksiyasını Bakı Fond Birjası həyata keçirir.